影片
更多
2023-01-19
163 瀏覽
果日又去西環整D 嘢, 同朋友搞掂時已經有D 夜, 於是立即睇吓附近有D咩食，見到附近有間車仔麵店，仲要寫住係潮洲滷水，好似幾特別咁，又好耐無食車仔麵，所以就立即決定試吓呢間～～ 入去到舖頭，裝修簡約整潔，坐位都舒服，一邊係架位，另一邊就係4人枱，落單就係用QR code落單，好方便，可以一次過睇晒有咩餸先慢慢揀，唔怕叫錯或叫漏，同埋一定可以揀走蔥走荽等等，因為平時我成日都會唔記得走蔥，同朋友研究咗一輪之後，好困難地揀咗4個餸，因為款式好多之餘，樣樣都想食，同朋友每人叫唔同既餸，咁就有8樣餸啦 車仔麵我一定要叫油麵，因為覺得油麵係最夾車仔麵既，餸就叫咗牛肉餅、豬大腸(瘦)、春卷及滷水豆腐，湯底揀咗重口味小辣；另外一碗就係豬手、巨型魚蛋、豬紅及鮮魷魚鬚，配滷水汁湯底。 我食車仔麵就最歡叫傳統既餸，豬紅同魚蛋係每次食車仔麵都必叫的，呢度既豬紅好入味，而巨型魚蛋係長洲魚蛋，彈牙有魚味，不錯，至於個滷水汁湯底就幾特別，因為平時都係食開腩汁既，滷水真係第一次試，一上枱就好香花椒八角既滷水香味，湯頭清甜又唔會太鹹，配麵剛剛好 🫶🏻 試咗朋友既豬大腸（瘦）及滷水豆腐，不得不讚店舖係細微之處好窩心
入去到舖頭，裝修簡約整潔，坐位都舒服，一邊係架位，另一邊就係4人枱，落單就係用QR code落單，好方便，可以一次過睇晒有咩餸先慢慢揀，唔怕叫錯或叫漏，同埋一定可以揀走蔥走荽等等，因為平時我成日都會唔記得走蔥，同朋友研究咗一輪之後，好困難地揀咗4個餸，因為款式好多之餘，樣樣都想食，同朋友每人叫唔同既餸，咁就有8樣餸啦
車仔麵我一定要叫油麵，因為覺得油麵係最夾車仔麵既，餸就叫咗牛肉餅、豬大腸(瘦)、春卷及滷水豆腐，湯底揀咗重口味小辣；另外一碗就係豬手、巨型魚蛋、豬紅及鮮魷魚鬚，配滷水汁湯底。
我食車仔麵就最歡叫傳統既餸，豬紅同魚蛋係每次食車仔麵都必叫的，呢度既豬紅好入味，而巨型魚蛋係長洲魚蛋，彈牙有魚味，不錯，至於個滷水汁湯底就幾特別，因為平時都係食開腩汁既，滷水真係第一次試，一上枱就好香花椒八角既滷水香味，湯頭清甜又唔會太鹹，配麵剛剛好 🫶🏻
試咗朋友既豬大腸（瘦）及滷水豆腐，不得不讚店舖係細微之處好窩心，真係第一次見有瘦既豬大腸揀，而其實瘦豬大腸食落一樣肥味甘香，只係肥膏少Ｄ，食落無咁漏，啱晒我地；至於個滷水豆腐就好入味，湯底係濃郁的，小辣其實也不算好辣，但加咗係惹味。
另外亦加配咗2款小食:
🥢太陽餅
見到係必食推介, 所以就點黎試下,原來係炸蝦肉加上春卷皮去炸,蝦肉彈牙,而春卷皮就炸到脆卜卜好好味, 蘸泰式甜酸汁好惹味
🥢滷水蘿蔔牛雜
呢個抵食, 一人份量都超大碟, 而且揀時仲可以揀唔要某d部位, 因為朋友唔食牛膀，所以我就揀走牛膀，又一窩心之處。牛雜處理得乾淨，滷水入味，蘿蔔索晒Ｄ味又淋又無筋
張貼
