影片
更多
2018-01-31
431 瀏覽
天氣話凍就凍，夜晚收工又攰，好多人都落酒樓食飯，我都唔煮飯喇，結果去到酒樓，真係要等位，不過都唔係等咗好耐，等咗十分鐘左右，執完枱，就即刻比我入座。入座後，二話不說即刻點菜，因為在等的時候已在外面睇曬餐牌，街坊酒樓有個好處，就係晚晚有著數，實會有啲特價嘢益街坊，點咗羊腩煲，特價十蚊一煲，兩個人可以叫一煲，另外再點晚市特價豬軟骨煲62蚊，可以揀蒜蓉、茄子或黑椒煮法，還有水煮牛肉 78蚊，我選大辣，因為天氣凍想食辣嘢。因為呢晚真係好多人，上菜慢少少，之前食過知道有糖水送的，請侍應可否先上糖水，侍應服務好好，即刻裝兩碗糖水畀我哋頂肚先。羊腩煲到啦，十蚊一煲都算畀足料你，有六嚿羊腩，好多支竹，兩舊馬蹄，在臨上菜前灑上京蔥 ,附有腐乳醬，視乎個人口味，需要才點來食啦。羊腩已經炆到好林，上菜仲可以用火慶熱食，在冰冷的天氣，實在好溫暖，推介！抵食！水煮牛肉大辣，好失望！因為知道呢間酒樓煮廣東小菜係唔錯的，但係，做川菜實在太差了，完全不是那回事，我期望是滿江紅，有辣椒，有花椒八角，浸住牛肉，可以辣個夠，但是點了大辣，都只有小辣，而且邊度有水煮牛肉係用翠玉瓜來煮的？不過牛肉質地還好，是新鮮的，幾滑，沒有
入座後，二話不說即刻點菜，因為在等的時候已在外面睇曬餐牌，街坊酒樓有個好處，就係晚晚有著數，實會有啲特價嘢益街坊，點咗羊腩煲，特價十蚊一煲，兩個人可以叫一煲，另外再點晚市特價豬軟骨煲62蚊，可以揀蒜蓉、茄子或黑椒煮法，還有水煮牛肉 78蚊，我選大辣，因為天氣凍想食辣嘢。
因為呢晚真係好多人，上菜慢少少，之前食過知道有糖水送的，請侍應可否先上糖水，侍應服務好好，即刻裝兩碗糖水畀我哋頂肚先。
羊腩煲到啦，十蚊一煲都算畀足料你，有六嚿羊腩，好多支竹，兩舊馬蹄，在臨上菜前灑上京蔥 ,附有腐乳醬，視乎個人口味，需要才點來食啦。
羊腩已經炆到好林，上菜仲可以用火慶熱食，在冰冷的天氣，實在好溫暖，推介！抵食！
水煮牛肉大辣，好失望！因為知道呢間酒樓煮廣東小菜係唔錯的，但係，做川菜實在太差了，完全不是那回事，我期望是滿江紅，有辣椒，有花椒八角，浸住牛肉，可以辣個夠，但是點了大辣，都只有小辣，而且邊度有水煮牛肉係用翠玉瓜來煮的？
不過牛肉質地還好，是新鮮的，幾滑，沒有用過量的鬆肉粉來醃過，還可以吧！唯有當廣東小菜吃啦。
呢個都係特價小菜，豬軟骨煲，我選擇用茄子煮，夠大煲，豬軟骨炆到好林，蒜蓉醬汁夠味，茄子都唔會林曬，仲有啲爽口，呢個推介！
埋單加一加茶位共$176, 兩人酒樓晚餐算幾平，不過個水煮牛肉令我失望，呢餐要扣分。
張貼
