彩雲軒 (已結業)

走過酒店，媽媽突然話想飲菜，岩岩先知，原來假日智選酒店六樓有間酒樓。住左咁奈，一直都唔知。下午茶時段既點心紙都有七折，假日除外。 好似燒賣38 數7 折， 20 幾，正常點心價錢。——————粉麵既午市餐單都有七節，呢碟斑腩涼瓜河粉係唔錯既選擇。 個河粉炒得香，有鍋氣。 個涼瓜唔會太苦，個炸斑腩外脆，內嫩，豉汁淋左上去都唔會變冧。推介！——————-個口水雞既醬係唔錯幾香，係惹味既四川麻辣油，但係個雞麻麻地，肉非常硬，又乾，唔知係咪放左段時間——————-甜品-餐廳提供多款甜品，但係兩款起先可叫。價錢相當便宜，當然份量都成正比-一樣咁迷你。綠茶芝士餅同雙皮奶都麻麻，唔建議選叫。——————鮑汁鳳爪食得多，但呢個真係唔錯，有番驚喜。 煮得軟綿綿既鳳爪，個鮑汁好入味，加埋花生送菜。唔錯！—————個菜肉雲吞都唔錯，鋪頭有蝦既食物我都覺得值得叫，因為個蝦好彈牙，爽口，有蝦味（唔會煮到冇味。）—————-上湯鮮竹卷，個餡做得唔錯，只係覺得個汁既味到有d奇怪，同埋稍嫌有點油膩—————————服務都唔錯，人手都夠，一對幾張枱，野食尼得好快，當然你都唔奢望侍應係笑面迎人，畢竟都係街坊酒樓。 等到新