木船泰國粉麵專門店 (已結業)

木船可以話係我食過最抵食嘅泰國野！牛雞串先廿零蚊無加一，嗌飯又有餐加多幾蚊有埋野飲仲有冬蔭功湯，啲飯超大兜，基本上一百蚊個人都夠晒飽～今次試左個燒豚肉飯，好好味！豚肉燒得好香豬味，但同時又唔會太乾，肉裏面仲係好juicy!最畫龍點睛係有隻流心蛋，雖然我唔係好鍾意食蛋，但係呢隻蛋真係又滑又超襯碗飯😋然後嗌咗個炒通菜60蚊都唔使，泰國嘢嚟講真係抵食到爆街坊開心價！仲要係炒得好食，個蒜蓉好惹味，爆得又香又夠獲氣～我另外叫咗個蔗蝦，係我最鍾意食啖蝦肉再咬落蔗度，有啲蔗汁甜甜地咁好fresh又令個蝦無咁油🍤另外跟餐加咗$25有個大椰青，又甜又多汁，正！整體而言，如果大家想平平哋食到高質泰國菜不妨來大埔試吓木船～如果住喺大埔嘅就更加萬勿錯過！