Kbites (已結業)

新年果期食來食去都係中菜，食到個人都"濟"左...但又唔想食茶餐廳，唯有食個韓飯...懶係清淡下...依間都食過好幾次，價錢合理，適合街坊，但舖內得8個位，如果要等位,我就唔會等了。講番個飯，對我黎講都幾大碗，飯暖暖的，芽菜菠菜冬菇都新鮮，個豬肉係炒過先上碗，你會食到有少少鹹味，淋淋地。配上韓式辛辣醬再攪埋一齊，辣辣地，你自然會食曬成碗飯。