街坊Cafe (已結業)

今晚約了兩個朋友七點半係旺角食飯，但其中一個朋友仲未放工遲到。由於我同另一個Fd都非常肚餓，於是就決定點下小食先，邊食邊等。椒鹽芝士薯條：薯條選用了粗薯，炸好後再灑上椒鹽，然後擺上兩片芝士放入焗爐烤焗。非常脆口野味，同麥記完全冇得比。德國腸拼盤：由兩款分別是雞肉和豬肉脆皮腸組成，腸仔煎得恰到好處，咬下去肉質爽脆，作為餐前小食簡直一流！終於等到最後一個朋友，我地決定點兩個扒餐share。先來的是鐵板燒西冷扒：牛扒五成熟，肉嫩多汁，牛肉味濃，即使不點黑椒汁也很夠味。扒身稍薄，如果可以再厚D就更加完美。鐵板燒斧頭扒：超級大件兼非常厚肉，一上菜我們都立即被它的外表震懾，菜如其名就如斧頭一樣。兩面都烤得金香，但肉質卻十分鮮嫩，大口食落去口感十足。