聚寶堂

營業中

休息中

放假約左朋友嚟藍田既匯景廣場行街，好耐無行過呢種街坊味道咁重既商場。行到肚餓，見到有唔少人嚟呢間餐廳食飯，餐牌上既食物選擇都幾豐富，一於試下。豬頸肉喇沙配新竹米粉加左份麻辣鴨血，有淡淡既麻辣香氣，而且夠哂大份。湯底既奶味幾濃郁，唔算好辣。盞鬼雞翼尖雞翼尖幾惹味，一放入口就有股辣衝擊喉嚨，呢股辣勁來得快去得快，幾過癮。煎豬肉餡餅外層輕輕煎過，咬落夠哂熱辣辣，作為小食都唔錯。良緣 (涼粉、芋圓、烤地瓜配花奶底)花奶可以再落多啲，芋圓幾煙韌彈牙，涼粉就夠哂清涼爽口。楊枝甘露以凍飲杯裝住，奶味偏重，西米既份量都幾多，底下仲有啖啖芒果肉。