臨記車仔麵 (已結業)

見門口大大個餐牌16蚊一碗魚蛋河，吸引左多街坊幫襯，一於試試佢。原來主打幾款粉麵，最後比牛筋河吸引左。牛筋河$30牛筋炆得入味，牛味十足！啖啖軟滑骨膠原包住牛筋，口感一流。河粉唔會煮到斷哂，夠滑份量仲幾多下，一個女仔食唔哂。湯底加左腩汁帶鮮甜，唔覺好咸。上湯紫菜$14紫菜份量比我想像多，仲以為會湯多過紫菜。紫菜冇沙，湯頭十分香紫菜味忍唔住飲哂。整體價錢唔貴份量夠飽有突，性價比唔錯。難怪成為街坊飯堂。