影片
更多
2021-12-01
184 瀏覽
今日放工想食點心，諗起九龍城嘅《譽滿》，之前喺舊舖無論堂食定外賣光顧不下廿次，亦都帶過屋企人同朋友去飲早茶或食點心宵夜，以前見佢人流好旺，都冇諗住寫食評，今日第一次到新舖幫襯，同老闆傾偈，知道佢哋舖位搬咗嘅原因係因為有咗宋王臺地鐵站後，原本嘅舖位俾業主收番，雖然同舊舖相距只係半條街，但新嘅舖位人流明顯比舊鋪少，好靠熟客繼續支持， 所以希望寫篇食評支持下呢啲人情味濃濃嘅細舖仔今日照舊叫咗我喺呢間舖嘅至愛 - “青芥末子母蝦餃”同”蟹籽蒸燒賣”。仲叫左香口嘅”燒汁魚茸茄子”同”香脆韭菜角”。同埋試咗”蔥花蝦米腸”青芥末子母蝦餃 🦐🥟呢個點心賣相可愛，每隻蝦餃上面都孭住一隻青芥末醬BB餃，kawaii ne 🤱🥟~~ 食嘅時候要有技巧㗎，一咬落去要同時咬開阿媽餃同BB餃，令到啲芥末醬混入蝦餃嘅餡料入面一齊食，我每一次食都有驚喜嘅感覺，話時話，真係好似未喺其他點心店食過呢個配搭！蝦餃皮夠薄係基本，呢個獨特嘅配搭係佢令我久唔久想返去再食嘅最主要原因！蟹籽蒸燒賣 🦀🐷呢度嘅點心即叫即蒸，火候啱啱好，燒賣雖然冇大驚喜，但符合哂我嘅要求：夠熱、鹹淡適宜、餡料冇肥肉，夠俾一個讚👍🏻燒汁魚茸茄子 🐟🍆每
今日放工想食點心，諗起九龍城嘅《譽滿》，之前喺舊舖無論堂食定外賣光顧不下廿次，亦都帶過屋企人同朋友去飲早茶或食點心宵夜，以前見佢人流好旺，都冇諗住寫食評，今日第一次到新舖幫襯，同老闆傾偈，知道佢哋舖位搬咗嘅原因係因為有咗宋王臺地鐵站後，原本嘅舖位俾業主收番，雖然同舊舖相距只係半條街，但新嘅舖位人流明顯比舊鋪少，好靠熟客繼續支持， 所以希望寫篇食評支持下呢啲人情味濃濃嘅細舖仔
今日照舊叫咗我喺呢間舖嘅至愛 - “青芥末子母蝦餃”同”蟹籽蒸燒賣”。仲叫左香口嘅”燒汁魚茸茄子”同”香脆韭菜角”。同埋試咗”蔥花蝦米腸”
青芥末子母蝦餃 🦐🥟
呢個點心賣相可愛，每隻蝦餃上面都孭住一隻青芥末醬BB餃，kawaii ne 🤱🥟~~ 食嘅時候要有技巧㗎，一咬落去要同時咬開阿媽餃同BB餃，令到啲芥末醬混入蝦餃嘅餡料入面一齊食，我每一次食都有驚喜嘅感覺，話時話，真係好似未喺其他點心店食過呢個配搭！蝦餃皮夠薄係基本，呢個獨特嘅配搭係佢令我久唔久想返去再食嘅最主要原因！
青芥末子母蝦餃
2 瀏覽
0 讚好
0 留言
蟹籽蒸燒賣 🦀🐷
呢度嘅點心即叫即蒸，火候啱啱好，燒賣雖然冇大驚喜，但符合哂我嘅要求：夠熱、鹹淡適宜、餡料冇肥肉，夠俾一個讚👍🏻
蟹籽蒸燒賣
6 瀏覽
0 讚好
0 留言
燒汁魚茸茄子 🐟🍆
每碟有三件，未上枱離遠已經見到三件魚茸茄子脹卜卜咁，因為剛炸起，所以新鮮滾熱辣！要小心翼翼地細細啖咬，茄子皮同魚膠炸到脆口，魚膠仲食到一陣好香嘅陳皮味，燒汁嘅味都調校得好好(不過茄子係比較吸油嘅食物，每人一件啱啱好，但如果兩個人去食，要食多過一件嘅話，就要飲多兩啖茶、去一去油膩喇～）
燒汁魚茸茄子
10 瀏覽
0 讚好
0 留言
香脆韭菜角 🥬🥟
呢個係我朋友嘅至愛，每次同佢嚟都必叫呢個點心，隻餃子炸到金黃色，餃皮超脆，食嘅時候會索索聲㗎！雖然都係一碟三件，但係如果鍾意食香口野、又鍾意陣韭菜味，一個人K.O.晒成碟都仲得！😜
香脆韭菜角
9 瀏覽
0 讚好
0 留言
蔥花蝦米腸 🦐🌯
呢個腸粉都係我第一次叫，份量比想像中多，絕對為今餐提供足夠嘅澱粉質！🤪 冇叫飯，冇叫包，就可以叫呢個嚟填飽個肚，呢個腸粉有跟埋碟甜醬麻醬俾你自己點，我就用咗燒汁茄子嘅燒汁去點喇
～如果佢可以再多啲蔥花同蝦米就好la～
蔥花蝦米腸
9 瀏覽
0 讚好
0 留言
雖然轉左舖位，食物水準依然保持。雖然新舖冇舊舖咁大，但環境整潔光猛，點心姨姨親切殷勤，希望未嚟過嘅朋友都嚟支持下啦~~~💪🏻💪🏻💪🏻
張貼
