爐爸打

營業中

休息中

今日同姪仔補完英文，佢話肚餓，咁我地就去搵食。少年人似乎都係想食日式，我地就黎左試爐爸打。環境呢度細細地，飯檯與飯檯之間比較近，但坐落又唔會話唔舒服，可能係食客都幾斯文，大家都細細聲講野。背景音樂就幾特別，又九十年代英文歌remix，又十幾年前big bang歌，又國語歌，聽到姪仔同我一頭冒水。食物呢度野食都係即整，熱辣辣，比點耐性等。豬軟骨拉麵$48豬軟骨係腍嘅，但其他一切就係好典型嘅港式拉麵。食完之後都幾覺得味精幾勁……日式豬扒飯$53呢碗都幾好味，姪仔挑食，比晒冬菇我，原來都加左幾多。個汁好開胃，份量對青春期少年剛剛好。見到隔離細路仔要了定食，賣相幾好，下次可以試。服務都幾有禮貌，家庭式feel。店員唔多，唔會好大聲講野。午市冇加一，下次一定再試其他款式。