Cook King Cooking (已結業)

今日放工去左紅磡搵媽媽 行過見到有廣告牌 就帶埋媽媽去試下。未入去 外面已見到入面差吾多滿座 幸好仲有四個位。紐西蘭西冷扒配日式燒汁或黑椒汁：今次order既黑椒汁味道有濃濃既黑椒味 食起上黎好香口。西冷扒揀左五成熟 可見到中間部分仲系粉紅色，味道方面咬起黎帶有肉汁。另外格黎既薯容有蘿蔔絲,青瓜同蟹籽粒 大大增加口感吾會系平時街外只有薯條甘普通。不錯！凍檸茶為自己解解渴！Cook King 海鮮薄餅：有兩款size揀(六寸和八寸)，今次order左六寸既薄餅。當中有吾少既菠蘿,魷魚蘇,蝦,粟米粒同埋芝士。餅底驚喜地完全吾硬 仲好鬆軟 但餅底可以做到脆脆地芝士可以做到拉司效果添！而蝦仲保持到好爽口，魷魚蘇同樣吾硬吾會好難先咬得開。果然系推介之選！奇趣曲奇雪糕：外貌好精緻，有兩球曲奇雪糕上面再加上曲奇粉 食落甜之餘又食到曲奇粉既口感 價錢亦不錯！