Sugar & Spice

營業中

休息中

郊遊之後去返東涌食飯，就去依間泰國菜試試先。店裏面啲枱放得好迫，好彩我哋都算早食，大約夜晚六點鐘左右，冇咁多人。我哋叫咗炒金邊粉、扎肉湯金邊粉同埋青檸梳打。炒金邊粉我走咗青，走埋辣，味道都幾好，炒得好乾身，唔會有太肥膩同埋淋嘅感覺。扎肉湯金邊份都唔錯，但感覺上味精好似比較多。青檸梳打都OK，我都幾喜歡依間鋪頭凍飲品糖水係自己加，每張枱都有一支糖水放在枱面上，可以就自己嘅口味加多啲或者加少啲。坦白講，食物係唔錯嘅，不過我見到店員嘅態度就一般。希望佢地都改善下。