KLN Cafe (已結業)

今日約左朋友觀塘食飯，不嬲都覺得熟食市場好多隱世美食，好過食d大路野或者連鎖餐廳。黎到熟食市場1樓，行行下就見到呢間cafe，門口已經好有花園feel啦。睇menu見到呢個自選意粉，好似幾平又幾吸引喎，一於同朋友叫幾個唔同既黎試下先。咁我就叫左呢個茄汁意粉，牛柳粒同帶子。一上台見到隻碟好特別喎，而且聞落好香，即刻急不及待試下先。食落茄汁味好濃，意粉又唔會太淋太硬，味道岩岩好。最抵讚既係d牛柳粒，好有牛味同埋口感岩岩好。朋友就叫左粟米汁意粉，雞柳同蜆肉。試左一啖覺得都好香，雞柳又夠哂嫩，不過缺點係份量太少啦。之後我地仲叫左個小食炸雞翼，食落夠哂脆而且調味岩岩好，外脆內嫩好味呀。叫左意粉+特色飲品有半價，我地叫左2杯，睇落好靚呀，又要相機食先了。不過飲落比較淡，都幾解渴既。呢間餐廳既食物都幾好味，不過就略嫌份量比較細，如果細食既女仔食就岩岩好啦。