泰蓮 (已結業)

以前隱藏喺未裝修前啟田街市入邊，都已經好多人入去食，不過地方就會比較狹窄，地方濕滑，通風系統比較差，夏天時更加要一路食一路流汗，就算係咁，都係營業多年嘅泰式粉麵。街市重新裝修後，以為唔再開，點知原來小店搬到街市對面，店舖重新營業，隱藏在大廈巷仔內，環境雖然都唔算太好，但都設有座位，通風較以前好D，就好似坐喺路邊泰式大排檔咁，都幾有風味。小店以往最出名泰式炸鹹肉，仍然有賣，每日新鮮即炸，放喺店面見到都覺得脆卜卜！裝修後，價錢比之前有所提升，湯底亦好似較以往淡D。