影片
更多
2013-03-23
1697 瀏覽
11月21日, 今晚原本用table map 訂咗位食烤全魚… 點知行到去門口先發現間野已經執笠大吉! 諗起附近街市嘅泰爽甜應該都有烤魚食, 就算係泰式都照殺啦! 呢間泰爽甜其實係性格小店嚟嘅, 位於街市熟食中心角落頭, 只有四、五張檯, 仲要唔係成日開… 今晚嚟到佢有開之餘仲有位, 真係好彩喇!::: 明爐燒烏頭 :::開頭一見到碟明爐烤魚, 只見鐵板上乾爭爭放上一條半熟烏頭, 仲有d肉碎、香料、蔥段、蘑菇片、粉絲等… 仲心咁燒熟法條魚實乾晒水都未熟啦?! 點知原來呢味燒魚係會令上一大碗亦湯亦醬嘅汁料, 比你一路燒一路淋上魚身. 如此一來靠著湯汁嘅蒸氣將條魚快速整熟, 又可以保持魚肉水份~ 剛熟嘅烏頭肉質頗嫩, 又索晒d鹹鹹酸酸嘅湯汁, 肉味鮮甜一d都唔覺腥! 其他配料如肉碎粉絲等亦索晒魚汁湯汁嘅精華, 更加好味~ 食到咁上下正貪心個爐火未盡會唔會燒乾條魚之際, 原來蠟燭份量一早已經計算好, 條魚差唔多夠熟爐火亦會自然熄滅, 成個烹煮過程堪稱充滿驚喜~ 絕對係小店細心出品!::: 咖哩軟殼蟹 :::咖哩軟殼蟹做法其實同平時食開嘅咖哩炒蜆或咖哩炒蟹如出一轍, 都係落咗大量蛋去做而且絲毫
::: 明爐燒烏頭 :::開頭一見到碟明爐烤魚, 只見鐵板上乾爭爭放上一條半熟烏頭, 仲有d肉碎、香料、蔥段、蘑菇片、粉絲等… 仲心咁燒熟法條魚實乾晒水都未熟啦?! 點知原來呢味燒魚係會令上一大碗亦湯亦醬嘅汁料, 比你一路燒一路淋上魚身. 如此一來靠著湯汁嘅蒸氣將條魚快速整熟, 又可以保持魚肉水份~ 剛熟嘅烏頭肉質頗嫩, 又索晒d鹹鹹酸酸嘅湯汁, 肉味鮮甜一d都唔覺腥! 其他配料如肉碎粉絲等亦索晒魚汁湯汁嘅精華, 更加好味~ 食到咁上下正貪心個爐火未盡會唔會燒乾條魚之際, 原來蠟燭份量一早已經計算好, 條魚差唔多夠熟爐火亦會自然熄滅, 成個烹煮過程堪稱充滿驚喜~ 絕對係小店細心出品!
::: 咖哩軟殼蟹 :::咖哩軟殼蟹做法其實同平時食開嘅咖哩炒蜆或咖哩炒蟹如出一轍, 都係落咗大量蛋去做而且絲毫不辣嘅咖哩. 不過碟咖哩蟹嘅軟殼蟹份量大概就只有2隻左右, 份量較孤寒. 又因為炸好嘅軟殼蟹被咖哩汁完全淹沒喺咖哩汁入面, 結果軟殼蟹都變淋變油膩喇… 就算蛋咖哩味道ok但整體都有少少失望.
::: 泰式炒金邊粉 :::泰式炒金邊粉鑊氣十足~ 不論用料及味道亦都夠晒地道正宗! 金邊粉炒得爽口分明, 配料落足蝦仁、雞肉、豆乾、芽菜、蔥段同蛋絲等, 醬汁甜甜酸酸調得惹味豐富~ 加上花生碎同清檸汁就更加好味! 唔怪之得大部份人都會叫~
::: 馬拉盞炒芥蘭 :::泰國菜中蔬菜類代表必選炒芥蘭~ 呢味馬拉盞炒芥蘭用個鑊仔奉碟賣相已經夠認真~ 芥蘭亦算炒得清脆爽甜而且入味. 美中不足係一貫大排檔風格炒菜用油太多, 食到底部d菜就略嫌有d油膩…
::: 青檸梳打 :::青檸梳打嘅青檸同糖水都一早調好, 所以杯中都只係象徵式放咗一小舊青檸做下樣算. 成杯野甜多過酸, 解辣解渴唔錯, 但如果青檸味多番d就更好喇!
電器道街市熟食中心其實只剩番三間食肆, 隔離嘅小菜同印度野之前都食過幾次, 反而最有興趣試嘅泰爽甜就因為佢成日唔開而一直都無食過. 今晚難得唔洗摸門釘都真係暗呼好彩~ d泰國人侍應一開頭好似唔多好招呼咁, 但食落先發現其實佢地對客人都算服務細心嘅, 只係態度可能慣咗硬繃繃… 整體其實無想像中咁好食, 不過要講地道泰菜嘅話呢區都算係一個好選擇.張貼
