KLN Cafe (已結業)

之前睇fb見過推介呢間年青人係街市搞嘅cafe 而且見到價錢又好平 所以就約埋朋友黎一齊試下😆 呢間cafe 隱世左係觀塘駿業街嘅熟食市場入面嘅1樓店 都要問一問下先搵到 Cafe 走工業酒吧風同埋掛上好多外國國旗 而入面有兩大部電視 播緊世界杯 好岩一路睇波一路食飯😂 雖然係cafe 但氣氛就好似係酒吧睇緊波咁💁🏻‍♀️座位唔多 全場差唔多滿座 大家都睇波睇到好投入😂入面冷氣開到剛剛好 夏天都唔怕熱😆可以自選意粉 大家都可以自己配搭 總會有自己鍾意嘅一款🤤我揀左扁意粉 芝士汁 牛柳粒 帶子上碟原來係煮嘅鍋黎 所以一上台就好熱啦啦😝 意粉軟硬適中 芝士汁重奶香味 同埋好多芝士 好濃烈🤤🤤🤤牛柳粒彈牙 帶子就比牛柳粒多 如果再多d 牛柳粒就好☺️朋友叫左同我一樣 不過係義大利飯😆綠茶鮮奶 叫左少冰 飲之前撈一撈 味道正常好味😚整體黎講 平民價錢酒吧氣氛