影片
更多
2011-05-15
729 瀏覽
3月12日, 嚟到石塘咀街市, 己經係差唔多2點, 要搵野食真係唔易, 因為大多間茶記都收咗檔, 見呢間海南咖啡都有唔少人, 就坐低咗食d野先~::: 蛋牛治烘底 ::: $10開頭呀叔比咗份未烘底嘅蛋牛治比我地, 提佢要烘底佢仲好似覺得係我地錯咁… 塊三文治都算烘得脆, 但個麵包就好有趣, 好似係佢地自己將塊厚麵包片開兩半咁, 但厚薄極度參差. 入面d蛋牛餡唔係太多, 而且煎得太熟, 有d老嚡, 味道略淡… 係一份水準平平嘅蛋牛治…::: 餐肉麵 ::: $12個餐肉麵係用福麵, 幾特別wor, 因為好耐冇食福麵喇~ 感覺個福麵只係浸熟而冇淥過, 麵餅仲有d硬硬地… 個麵就只有一個味, 但係不得不提餐肉出奇地多! 竟然有4塊, 亦唔算薄~ 有煎過, 都幾香口, 唔錯~ ::: 西多士 ::: $11見枱枱都有人叫西多士, 我地都唔執輸~ 但係蛋漿唔夠多, 整體個蛋味唔夠, 似煎多過炸, 味道麻麻地~ 加上煉奶同牛油, 先可以另到個西多士味道好番d, 但係個底打唔好, 門面野點整都只能夠粉飾表面…::: 凍奶茶 ::: $9凍奶茶幾好, 奶味茶味均勻, 應該係用熱茶沖, 好處係茶味唔會
::: 蛋牛治烘底 ::: $10
開頭呀叔比咗份未烘底嘅蛋牛治比我地, 提佢要烘底佢仲好似覺得係我地錯咁… 塊三文治都算烘得脆, 但個麵包就好有趣, 好似係佢地自己將塊厚麵包片開兩半咁, 但厚薄極度參差. 入面d蛋牛餡唔係太多, 而且煎得太熟, 有d老嚡, 味道略淡… 係一份水準平平嘅蛋牛治…
::: 餐肉麵 ::: $12
個餐肉麵係用福麵, 幾特別wor, 因為好耐冇食福麵喇~ 感覺個福麵只係浸熟而冇淥過, 麵餅仲有d硬硬地… 個麵就只有一個味, 但係不得不提餐肉出奇地多! 竟然有4塊, 亦唔算薄~ 有煎過, 都幾香口, 唔錯~
::: 西多士 ::: $11
見枱枱都有人叫西多士, 我地都唔執輸~ 但係蛋漿唔夠多, 整體個蛋味唔夠, 似煎多過炸, 味道麻麻地~ 加上煉奶同牛油, 先可以另到個西多士味道好番d, 但係個底打唔好, 門面野點整都只能夠粉飾表面…
::: 凍奶茶 ::: $9
凍奶茶幾好, 奶味茶味均勻, 應該係用熱茶沖, 好處係茶味唔會俾茶嘅冰凍蓋住~ 但係d冰就融得太快…
充滿舊式茶記風味, 因為落單煮野嘅都只係得2個老人家, 手腳係慢咗d, 野食都等得幾耐… 仲要唔落單唔寫低, 拎到出嚟唔記得就大嗌, 服務態度亦比較粗聲粗氣… 算得上是風味, 不過現實嚟講佢地真係要搵番d年青人接班喇…
張貼
