芽莊城越南牛肉粉 (已結業)

嚟親深水埗，自然想去呢間喺熟食街市入面嘅平靚正越南餐廳。雖然坐得唔係好舒服，同埋喺街市入面，但呢度啲嘢食好平。我每次嚟親都係食生牛肉湯河，或者扎肉撈檬，今次就試下香茅豬扒配越式春卷飯。豬扒大大塊，春卷夠脆又多料，飯又多~最正係伴碟嘅酸蘿蔔任食，酸度適中，非常開胃，老闆娘見我添完又添都無話我，仲問我要唔要多啲，簡直係愛啊哈利！食完之後，飲埋杯凍檸茶，非常滿足，加埋老闆娘滿滿嘅人情味，下晝充滿力量去開工！