韓米 (小西灣廣場)

營業中

休息中

有次路過街市見到呢間韓式外賣店好吸引，直到今日終於有機會可以買嚟試吓。爽脆白蘿蔔 - 味道好酸好開胃，咬落索索聲好爽口。牛肉便當 - 便當附有幾片黃蘿蔔，味道無白蘿蔔咁酸比較易入口。飯係用珍珠米煮特別好食，牛肉味道甜甜地撈飯一流，兩樣都塞到滿一滿份量十足。炸餃子外皮炸得好香脆，中間嘅餡料係韭菜。炸紫菜粉絲卷外脆內軟味道都唔錯。芝士牛肉紫菜卷 - 成條紫菜卷都好足料，握得夠結實唔會一夾就散。食落味道好有層次，有青瓜蘿蔔絲嘅清新，牛肉嘅鮮甜，仲有芝士嘅芝香味。魚餅湯 - 呢個雖然只得一串，但已經夠塞滿成個盒仔。魚餅有四五款唔同色/唔同形狀，每款都夠煙人入味。蘿蔔吸收曬湯嘅精華特別鮮甜！