Pulau

營業中

休息中

🍴Pulau 🔍中環皇后大道中93號中環街市地下G19號舖-----中環街市重開數月，媽咪一直都話想黎行下，上星期收工陪佢行完之後，就順道帶佢嚟食同事話味道唔錯嘅呢一間星馬菜。新加坡大蝦喇沙米線（$78）檳城蝦麵（$78）半熟蛋配多士.喇沙湯底色香味濃，湊近一聞，椰子香氣撲鼻而至，食落帶辣香卻不帶嗆勁，蝦肉彈牙，溏心蛋帶醬油甘甜及微微酒香，確係高質，同事推薦得不錯。而蝦麵就適合食唔到辣嘅人食，湯底比喇沙甜，鮮味頗出，層次幾豐富，不過個人依然偏愛喇沙多一些。多士方面，方包烘香至微脆，抹上誘人嘅咖央醬，加上滑溜半熟蛋，食法幾新奇有趣，令千篇一律嘅咖央多更帶玩味，不錯。