影片
以上資料只供參考, 請與餐廳確認詳情
餐廳：Pulau地點：中環街市菜式：新加坡菜餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐，唔洗等好耐就有野食。豬頸肉喇沙摻摻 $68 摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有4片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。巴東牛肉班蘭椰漿飯配蟲草花雞湯 $68 巴東牛肉有七舊左右，質感都幾好，牛味唔錯。個汁味道濃厚，好惹味，辣辣地。班蘭椰漿飯真係綠色，未食先吸引眼球。聞落椰香十足，又帶微微班蘭味。食落粒粒分明，煙煙韌韌，撈埋個汁好惹味。配有半隻糖心蛋，花生米，脆魚乾，又香口又有多重口感。伴有青瓜同車厘茄可減膩。個蟲草花雞湯好清，下底真係有蟲草花，面頭有少少蔥花。馬來燒雞配雞油香飯及蟲草花雞湯 $65馬來燒雞一大塊開五件，方便易食，整得皮脆肉嫩，啖啖肉。雞油香飯好大兜，味道口感都唔錯。同巴東牛肉班蘭椰漿飯一樣伴有半隻糖心蛋，花生米，脆魚乾，青瓜同車厘茄。馬拉盞通菜 加$32加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。總括而言，主食超抵食，小食質素都唔錯。
繼續閱讀
中環街市活化後多左好多野行，又可以打下卡，呢晚就同老公嚟中環city walk下，之後行到攰，就去中環街市攞野食。 自己搵位坐地面一行入去就見到呢間Pulau，食星馬菜嘅，有9款主食，主打掺掺麵。嗌左兩set《新加坡大蝦喇沙掺掺 $78》有豆腐卜、開邊蝦、豬腩肉片同埋半隻蛋～香味濃郁，微微嘅辣，最特色係摻摻有油麵同米粉，雙重口感又掛湯。 《新加坡白胡椒肉骨茶（豬排骨，豬肚）配 雞油香飯及油條 $82》湯好重胡椒味，又唔會辣喉，油條可以浸湯又或者蘸黑醬油都好味；油飯有淡淡油香，唔會好乾，撈啲蝦醬油都好食。《串燒拼盤（雞肉.大蝦.魷魚鬚） $78》有沙嗲醬好惹味，魷魚鬚有啲韌，蝦同雞肉都入味。
繼續閱讀
放工同女同事去食少少嘢先返屋企，去咗中環街市個food court。嗌咗一碗麵、一個小食同一個沙律share食。呢度冇特定嘅座位，只要喺範圍內都可以坐低。呢排天氣涼涼哋坐出邊應該幾舒服。每個主食可以加$32通菜及加$10罐汽水。呢晚海南雞掺掺同通菜都賣晒，所以改咗食蝦麵同沙律。《 檳城蝦麵 $78 》呢個麵係湯底味道濃郁，蝦味及椰香味濃，加埋有啲炸蒜片更提香；呢個麵係「掺掺」，所以有米粉溝油麵；米粉會比較多 更吸收湯底精華。 《 手打樱花蝦餅 $48 》有4塊，幾有蝦甜，蘸埋甜酸醬更加惹味～ 《 牛油果核桃青蘋果沙律 $68 》呢個有驚喜。青蘋果絲好爽甜，仲有牛油果同核桃，配上芒果汁好香甜開胃！+$10/罐雪碧（第二罐 正價$12）
繼續閱讀
今日返工有啲野要跟，落咗中環做野順便食埋Lunch先返去，揀左呢間試吓。地理上一入正門第一間食店就係佢，方便易搵，返工快食Lunch都算好方便。Menu都唔少選擇，Lunch set飯類除左跟雞油飯/椰漿飯，仲跟埋個蟲草花雞湯，中上環嘅價錢嚟講呢個set都算合理👍🏻今日揀左最平嘅馬來燒雞配油飯嘅Set ($75)，老實講肉量就一定無Menu張圖咁多件，不過又未去到照騙嘅程度🤣同埋質素嚟講呢個價錢都真係算唔錯，雞皮好食，肉算厚身同埋唔鞋口，咬落去熱得嚟都Juicy~總括嚟講，如果喺呢頭返工，放Lunch得閒都會食下，都算推薦👍🏻
繼續閱讀
巴東牛肉配班蘭椰漿飯牛肉軟爛，香料入味十足。配的小菜清爽解膩。巴東牛肉飯來說，量也算是很足。班蘭椰漿飯顏色鮮艷，綠綠的，令食慾大增。另+$32 就有一份馬拉盞炒通菜正常的炒通菜，香口惹味～娘惹茶燻鴨配雞油香飯及蟲草花雞湯之前都沒留意到有娘惹茶燻鴨這美食真的要多出去 了解不同地方的當地美食 難得有新的 怎麼不一試！！喜歡燻鴨好香 油脂和煙靭鴨肉配合真的好贊 就算不是喜吃肉的人 也會喜歡蟲草花雞湯足料 有埋雞肉吃就更好🤣這家店就是正常的味道，在中環街市正門一入的第一間就是。勝在便捷，是和朋友或一人食好去處。
繼續閱讀