影片
更多
2021-09-28
137 瀏覽
🕰🎞📠時興vintage又點止著衫， 一直聽講Oldish 風評頗佳，內外兼備，終於可以體驗下佢復古嘅裝修，英倫風嘅食物～聞名不如見面，果然好食又好影，Instagram-able又budget-friendly🤤cp值爆燈呀🌟🌟🌟Black Truffle Egg Benedict🍳作為一個松露控我覺得可以再多啲再香啲🤭不過瑕不掩瑜，水波蛋嘅嫩同牛油果嘅滑，好突顯到煙三文魚嘅香濃，配埋brown bread 嘅口感簡直絕配🍞份量比想像中大！其實我同朋友兩個女仔食呢份都已經五成飽😵💫事關佢唔止擺心機喺Egg Benedict呢個主角度，sides嘅salad and chips 都好足料🍟油醋酸味適中，值得一提嘅係佢一上枱真係熱辣辣香噴噴！應該係即炸㗎❤️🔥Tom Yum Spaghetti🍝 我同朋友都係重口味人士，逢辣必點，有冬蔭功意粉當然不容錯過～雖然冬蔭功嘅pasta或者risotto 宜家喺市面上都越來越普及，但好食嘅就真係唔常見🤔食完oldish 嘅冬蔭功意粉就發現原來秘訣係在於要夠creamy，佢就100%做到喇😋好神奇地奶香味濃，口感順滑而唔黏口，仲要同時都夠辣，但又
時興vintage又點止著衫， 一直聽講Oldish 風評頗佳，內外兼備，終於可以體驗下佢復古嘅裝修，英倫風嘅食物～
聞名不如見面，果然好食又好影，Instagram-able又budget-friendly🤤cp值爆燈呀🌟🌟🌟
Black Truffle Egg Benedict🍳
作為一個松露控我覺得可以再多啲再香啲🤭不過瑕不掩瑜，水波蛋嘅嫩同牛油果嘅滑，好突顯到煙三文魚嘅香濃，配埋brown bread 嘅口感簡直絕配🍞
份量比想像中大！其實我同朋友兩個女仔食呢份都已經五成飽😵💫事關佢唔止擺心機喺Egg Benedict呢個主角度，sides嘅salad and chips 都好足料🍟油醋酸味適中，值得一提嘅係佢一上枱真係熱辣辣香噴噴！應該係即炸㗎❤️🔥
Tom Yum Spaghetti🍝
我同朋友都係重口味人士，逢辣必點，有冬蔭功意粉當然不容錯過～雖然冬蔭功嘅pasta或者risotto 宜家喺市面上都越來越普及，但好食嘅就真係唔常見🤔食完oldish 嘅冬蔭功意粉就發現原來秘訣係在於要夠creamy，佢就100%做到喇😋好神奇地奶香味濃，口感順滑而唔黏口，仲要同時都夠辣，但又唔會麻🌶坊間嘅冬蔭功意粉通常都只係味道稍微沾邊而毫不神似，令人失望，呢碟就一致經過我同朋友兩個辣妹嘅認證喇💯
Oldish Chicken Wings🐓
食完個冬蔭功意粉開咗個胃就嗌多咗份小食，睇餐牌唔留意，但原來呢份雞翼都係微辣㗎，我同朋友嘅口水即係飛流直下三千尺🤤一碟共五隻雞翼，我好欣賞佢一碟小食都有唔少沙律，食翻啲菜好似健康啲咁🤣同埋有啲沙律清新啲都可以同佢嘅醬汁平衡一下🥗雖然佢嘅香辣主要係源自於濃厚嘅醬汁緊密咁包裹著每一隻雞翼😍但食得出佢本身都有落唔少香料腌肉入味，俾足心機～另外雞翼唔會太細隻，而係好有份量啖啖肉值得一讚🍖
Oldish Tiramisu🍩
睇佢個樣咁有特色就知，呢度嘅tiramisu 絕對係招牌菜～唔好以為中間無啦啦開個窿係喺度扮冬甩，其實係用嚟倒double expresso 㗎☕️表面滿滿嘅可可粉足料到好似放題咁，第一啖食噣親我🥴提醒大家一定一定要記得閉氣食😂不過食多兩啖就理解到佢用心之處喇，真係好濃好濃可可味！🍫中間嘅餅一開始雪得有啲太硬，不過慢慢咗吸收expresso之後就每一啖都享受到唔同嘅口感喇～香濃嘅咖啡配上順滑嘅芝士仲有鬆脆嘅手指餅乾，唔同嘅軟硬度係唔同嘅幸福🤎
傳聞tiramisu 係一位妻子為咗即將上戰場的丈夫做嘅，係一份充滿愛心的甜品，象徵咗「帶我走」，食完呢份甜品我就想打包一份帶走多啲喇🥺
Black Truffle Egg Benedict & Tom Yum Spaghetti
12 瀏覽
0 讚好
0 留言
Oldish Chicken Wings
$78
7 瀏覽
0 讚好
0 留言
Oldish Tiramisu
$78
9 瀏覽
0 讚好
0 留言
張貼
