The Little Corner (已結業)

跟友人食完串燒之後, 感覺喉嚨有啲乾, 原本打算去飲返杯鬼佬涼茶, 但係路過呢間雪糕店, 見到門口Hoegaarden紙板, 深深吸引住我地兩位愛酒之人, 立即入去探個究竟, 原來呢度係主打Hoegaarden嘅雪糕店。先要左一杯粉紅仙子（Pink fairy) , 外表非常之吸引, 顏色淡淡粉紅, 原因係呢杯雪糕用左半支Rosée啤酒, 因此會有著Hoegaarden嘅味道同埋顏色。雪糕除左品嚐到啤酒嘅麥味之外, 亦有著紅桑梅味酸甜清新嘅感覺, 加上爆炸糖同埋蝴蝶脆餅, 口感加層次更見豐富, 絕對要一試!而友人則要左呢杯宇治抹茶雪糕, 選料方面極盡心思, 選用最優質既宇治抹茶粉同埋熊本牛乳雪糕打造而成, 因此抹茶味及牛奶味道相當平衡, 無互搶光芒, 但又同時掟放繽紛色彩。Toppings選取左抹茶曲奇及朱古力葉, 品質極具質素, 亦跟成杯雪糕風格一致。