大家食 (已結業)

街角食堂 – 大家食大家食，你有聽過，但係你有可能未行過入去，你食過，但係你叫左米線而唔係佢聞名既手攪麵。如果你係係九龍區出沒開，對於依間叫大家食既唔會太陌生，又或者你會將佢同大家樂撈埋一舊，但係其實大家食係暗藏正麵既一間麵店。佢既裝修每一間都如是，普通，仲帶有大陸FEEL，入到去覺得似入左一個廚房多過係一間麵店！不過大家要記住，大家食既正貨係要有老闆個頭係ICON先係正貨，次貨係有隻公仔架！大家要分清楚，因為後者都相當難食下，唔好入錯><到底佢有咩咁好食？我粗略咁介紹下我最鐘意食既兩樣野，削搖麵，油渣，麻辣就係我必叫，佢既麵到底又幾咁好食？基本上你出到街任何一間麵店既麵都係粗麵油麵，而且冇咩味，但係大家食既麵就係用小麥粉麵糰(由老闆自配)，而且用人手操作依個削麵機製出，佢既削搖麵入口食落彈牙兼煙韌，而且有小麥粉既味，絕對同其他麵店既冇得比！！如果講起油渣，大家都會有D奇怪，點解會係油渣好食，其實油渣既做法係將肥豬肉擺落鑊唔落油乾炸到佢自己出油，（姐係自己炸自己w）炸到佢本乾身，隔開佢既油就食得，但係你知道的，豬油渣都始終要有小小豬油香先叫正，而大家食既油渣正正就係有