多寶美食 (已結業)

早幾晚師傅忽然口痕, 夜媽媽又想搵啲野咬下, 但又唔知食咩好, 忽然間醒起呢間食店, 印象中呢間食店唔錯, 對上一次外星人仲話呢度嘅炸大腸好得; 見咁耐冇黎過, 於是決定黎拮兩串, !行到埋去師傅猶豫應唔應該柯打一串炸大腸, 由於師傅從來都未食過, 所以都係十五十六, 到最後還是欠缺一份勇氣! 於是一口氣柯打左兩串魚蛋, 一串墨魚, 同埋一串牛柏葉, 堂食! 講明堂食, 個阿姐都係要放落個發泡膠盒內, 想環保少少都唔得, 吹漲! 於是坐底後即刻開餐, 第一啖先試牛柏葉, 牛柏葉入口勁爽口, 一啲都唔韌, 索埋啲咖哩汁, 勁惹味; 再試墨魚, 墨魚又係爽口唔韌, 口感其佳, 師傅好耐都冇食過咁正嘅墨魚; 最後係魚蛋, 魚蛋唔算太爽口彈牙, 不過又唔算好腍, 勝在幾入味, 接受到啦! 呢間食店最吸引的就是個咖哩汁, 真係幾有水準!總括黎講食物質素都可以, 冇咩環境可言, 皆因坐街邊, 服務尚算友善, 價錢就市價, 六蚊串魚蛋同燒賣, 八蚊牛柏葉同墨魚, 埋單廿八蚊, 可以啦! 師傅下次再黎必定會鼓起勇氣試下炸大腸的, 心想都應該唔錯! 深宵時份身處佐敦, 感覺永遠都正, 皆因食的選擇永遠