多寶美食

營業中

休息中

多寶美食喺佐敦嘅時候我已經成日幫襯，最近佢仲搬咗去太子金魚街，更加近我，當然要多啲嚟幫襯支持下。食物仍然係咁繽紛，每次我都會揀好多款。搬咗新舖，但食物依舊，係令人懷念嘅味道。就算而家喺街唔方便食嘢，都堅持一定要食佢哋嘅馳名炸大腸，新鮮食外皮卜卜脆，我就鍾意加甜醬食。魚肉碗仔翅嘅魚肉份量超多，而且夠彈牙。牛丸總共有4粒，而且超大粒，粒粒夠入味。山根索哂汁超夠味。燒賣一串有5粒，口感彈牙，混入少少辣汁好正！魚蛋同樣5粒。墨魚彈牙又入味。水魷魚就爽口卜卜脆。牛柏葉沾滿醬汁味道冇得彈。