艋舺ㄟ雞排 (已結業)

銅鑼灣本身有好多街頭小食，我成日去行街嘅時候，都係幫襯街頭小食就解決一餐，早兩日見到新開左呢間雞扒，原來喺台灣好出名，一試之下真係覺得幾好味喎，忍唔住買多咗2塊返屋企比小朋友試下。雞扒有6個口味，我最鐘意紫菜味，可能我鐘意食紫菜，覺得好夾同埋味道更加惹味，出面真係無食過咁好味雞扒。原味其實都好好味，外脆內軟，雞肉好juicy 仲要超大舊，成隻我手掌嘅size ，食完一件已經好飽肚，但芝士雞扒一定要即場食，每啖雞配半溶芝士，好香好好味。另外炸雞髀雞亦，真心比起KFx好食得多，好香脆雞仲要好滑，呢個size 算係口痕之選，配埋炸粟米芯，做下午茶啱啱好。