歌聲光頭佬泰國菜 (已結業)

今日黎食飯，一入黎就見到歌星光頭佬老細同佢d poster，不過店內衛生一般，例如老闆整完隻腳，無洗手就傳碟餸俾我。講返餐廳野食水凖很穩定，無特登遷就香港人口味，係好地道既泰國菜。老闆會俾張紙仔你，跟住餐牌number點菜。生蝦刺身，蝦好厚肉，個汁稀左d，尚算新鮮。冬陰公好濃味，好正，嗌左個細既，有番茄、菇、大蝦，夠晒酸辣，好開胃。牛肉串燒跟沙嗲汁，好淋身，好味，醃得幾好。辣醬炒蜆好惹味，不過份量好少，唔係好夠食。最尾叫左個菠蘿炒飯，好多肉鬆，菠蘿係新鮮而非罐頭，好味，粒粒飯都炒得均匀，唔會有d有調味，有d無。如果改善下衛生一定會再黎支持。