財記美食

營業中

休息中

呢間財記，以前係觀塘有分店，當時啲食評有讚佢嘅常餐茶餐味道唔錯又抵食，一直想試但到佢執左都未試。見佢新蒲崗有間，終於搵到機會去。佢價錢係好相宜，叫左雞脾薯條茶餐凍檸茶都係$34。份量係多嘅，先講薯條，直薯條，有落椒鹽，但好快就淋，一般。隻雞脾就好差，反轉好油，個面又見到有啲好淺色嘅血水，心知不妙⋯⋯食落就知係啲變壞左嘅肉，有少少酸粟味，唉，嘥左我個quota，食左幾啖我就真係無再食，我真係怕肚痛⋯⋯調味亦都唔好味，偏咸。其實我去食野都唔係太介意地方差啲嘅人，講真，如果我係好介意嘅，見佢門面就唔會行入去。但一路食都有幾隻烏蠅飛來發去，又有小蚊滋停係我身，再加上肉唔新鮮，幾樣野加埋一齊，真係感覺好差。參考其他食評，或者小炒先係佢強項。