潤一潤甜品屋

營業中

休息中

行過離遠見到有3，5 個人響巷仔度排隊，而咁啱間店要開門，好奇就入咗去試試。入到去就心知不妙，成間店瀰漫着一股奇怪既味，好似食物壞咗果種酸臭味餐牌笠痴痴，枱笠痴痴⋯⋯ 但見隔離枱叫左好多野食，諗住呢間野應該係味道取勝，就照叫左兩碗野。綜合涼粉43好大份，紅豆綠豆都好沙，甜度適中，芋圓口感煙韌，但無咩味。最差既係豆花同雞蛋布甸。豆腐花有街市買嘢果種酸叔味，布甸係化學味。豆腐綿綿冰45同份涼粉比細好多，但味道唔錯，淡淡豆腐味，食得多都唔會太膩。