影片
更多
2020-12-01
1670 瀏覽
觀塘返工搵食嘅少不了食吓冰室茶記，今次就去咗紅茶附近呢間樂天冰室試吓，見佢午市都係會有人龍排隊應該都受附近嘅打工仔歡迎嘅！由於早餐食得太飽，所以只嗌特餐輕食啲就算！嗌咗個特餐C沙嗲牛麵加煎蛋火腿，$47價錢都ok。特別在多士可揀普通版或蒜蓉版！當然唔執輸揀個蒜蓉特別啲～上菜都算幾快，最快到係沙嗲牛麵，接住就係多士煎蛋，多士蒜蓉味好香，一邊烘得香脆，另一邊就較淋，唔知會唔會關掂到煎蛋個啲油事，如果下面個邊多士都烘耐啲就會更好食！煎蛋蛋黃液好流質，煎得剛剛好，不過我更愛燶邊蛋啊！沙嗲牛麵一開始唔會太淋，但其後被熱湯浸耐咗就會淋咗，所以都建議快啲食完佢就最理想！沙嗲牛好香帶甜，肉質都嫩嘅又無筋，份量都適中，唔會食到一半就無晒牛。曾經食過一間啲牛肉好多筋真係搞唔掂！食食吓個麵時杯熱檸水就嚟咗啦！睇到真係嚇親，側邊係好多污垢，水面滿佈油嘅蹤跡，好明顯睇得出，加上依家疫情籠罩，最好都係注意吓啲碗碟杯嘅衛生啊！本身都有掙扎需唔需要當面反映，但一嚟趕時間，二嚟佢換咗比我都未必想飲！所以乾脆直接唔飲擺係側邊算！希望店家會注意返，為咗個多士我都再幫襯嘅加上價錢都ok，但可能短期內唔會去住！
由於早餐食得太飽，所以只嗌特餐輕食啲就算！嗌咗個特餐C沙嗲牛麵加煎蛋火腿，$47價錢都ok。特別在多士可揀普通版或蒜蓉版！當然唔執輸揀個蒜蓉特別啲～
上菜都算幾快，最快到係沙嗲牛麵，接住就係多士煎蛋，多士蒜蓉味好香，一邊烘得香脆，另一邊就較淋，唔知會唔會關掂到煎蛋個啲油事，如果下面個邊多士都烘耐啲就會更好食！
煎蛋蛋黃液好流質，煎得剛剛好，不過我更愛燶邊蛋啊！
沙嗲牛麵一開始唔會太淋，但其後被熱湯浸耐咗就會淋咗，所以都建議快啲食完佢就最理想！沙嗲牛好香帶甜，肉質都嫩嘅又無筋，份量都適中，唔會食到一半就無晒牛。曾經食過一間啲牛肉好多筋真係搞唔掂！
食食吓個麵時杯熱檸水就嚟咗啦！睇到真係嚇親，側邊係好多污垢，水面滿佈油嘅蹤跡，好明顯睇得出，加上依家疫情籠罩，最好都係注意吓啲碗碟杯嘅衛生啊！本身都有掙扎需唔需要當面反映，但一嚟趕時間，二嚟佢換咗比我都未必想飲！所以乾脆直接唔飲擺係側邊算！希望店家會注意返，為咗個多士我都再幫襯嘅加上價錢都ok，但可能短期內唔會去住！
張貼
