影片
更多
2019-06-02
866 瀏覽
新開左一個月左右，見到個環境好似唔錯就入左去試上點知整個用餐過程簡直係惡夢!發誓呢間野無!下!次!為左大家著想寫第一篇食評警世, 唔好中伏。1. 食材衛生欠佳- 菜只係淋濕, 無清洗乾淨有泥沙當晚提供生菜同娃娃菜兩款比食客, 拎左少少返黎已經睇到有菜葉上仲有好多黑色同泥無洗走!- 食材種類多, 但係長期有烏蠅陪你一齊食見到d烏蠅食過既食材, 你夠唔夠膽食? 店員見到咁既情況都無趕過d烏蠅.....食完第2日唔肚痛我已經好感恩2. 桌面設計問題用餐張枱太細, 而個鍋又太大, 根本唔適合個爐。比例問題大到其實唔能夠控制個爐, 制都按唔到!班店員唔識搞, 由於個鍋太大好難受熱, 導致好多枱客個鍋搞成20分鐘都未熱90分鐘用餐時間入面:20分鐘搞個爐, 60分鐘截單, 其實得40分鐘叫做食到野3. 服務災難級- 亂加湯底 本身加左錢要兩款唔同湯底, 侍應加湯既時候完全無睇過就咁將d 湯亂咁加, 結果兩邊湯底溝埋哂一齊, 難食到一個點。-無人執野 上面有講張枱太細, 基本上拎多少少食物已經無位食野 最勁既係店員長期失蹤, 無人清理 附近既食客唯有自行清理, 出去拎食物既時候放d 碟同
點知整個用餐過程簡直係惡夢!
發誓呢間野無!下!次!
為左大家著想寫第一篇食評警世, 唔好中伏。
1. 食材衛生欠佳
- 菜只係淋濕, 無清洗乾淨有泥沙
當晚提供生菜同娃娃菜兩款比食客, 拎左少少返黎已經睇到有菜葉上仲有好多黑色同泥無洗走!
- 食材種類多, 但係長期有烏蠅陪你一齊食
見到d烏蠅食過既食材, 你夠唔夠膽食? 店員見到咁既情況都無趕過d烏蠅.....
食完第2日唔肚痛我已經好感恩
2. 桌面設計問題
用餐張枱太細, 而個鍋又太大, 根本唔適合個爐。
比例問題大到其實唔能夠控制個爐, 制都按唔到!
班店員唔識搞, 由於個鍋太大好難受熱,
導致好多枱客個鍋搞成20分鐘都未熱
90分鐘用餐時間入面:
20分鐘搞個爐, 60分鐘截單, 其實得40分鐘叫做食到野
3. 服務災難級
- 亂加湯底
本身加左錢要兩款唔同湯底,
侍應加湯既時候完全無睇過就咁將d 湯亂咁加,
結果兩邊湯底溝埋哂一齊, 難食到一個點。
-無人執野
上面有講張枱太細, 基本上拎多少少食物已經無位食野
最勁既係店員長期失蹤, 無人清理
附近既食客唯有自行清理, 出去拎食物既時候放d 碟同碗出去
-last order 無影
上面講到60分鐘截單last order,
不過叫完d野全部都無黎要追單,
臨尾10分鐘先到, 煮到都食唔哂
4.成間餐廳設計極有問題
呢間牛氣既用餐區其實分兩邊, 門口玻璃比較開揚少少既好似唔錯,
但另一邊比較入既設計係極窄, 極危險。
大家都知打邊爐好多時要出去拎食物返埋位,
入面用餐位既通道非常窄而且有好多轉角位,
如果坐滿客的話成30人o係一條咁窄既通道出入,
當晚已經有好多次食客同食客, 店員同食客出現相撞,
深深體會到d 位有咁窄得咁窄既精髓所在。
你以為迫同窄已經夠差? 未啦
入面無通風極差, 咁多個爐其實又熱又焗,
人人都食到流哂大汗, 唔講以為成緊麻辣火鍋
張貼