西九漢堡 (已搬遷) 新店位置

上網見到好評就過海黎食，原來係最頂樓美食天堂果層，上到去好多選擇，心郁郁想食麻辣同水煮魚，但最後都忠於初衷試左呢間漢堡。叫左一個漢堡餐轉黑松露薯條，另外要一個$98雞翼桶，要等十五分鐘。呢度無得俾八達通，電子收費只係收Alipay 。俾完錢行左個圈返去鋪頭門口等，望下店員整野食，點知唔見好過見，個女店員唔戴手套，用手拎塊芝士放係爐上「辣」一「辣」，再放上個包，之後又用手「督」唔個薯角定炸魚塊睇下熱未，救命呀！然後跌左野落地下執完又唔洗手，唉！依家疫情呀大佬，提高少少衛生意識好唔好，起碼你都戴返對膠手套先啦。食物品質方面，覺得黑松露薯條同辣味雞翼可以試下，牛肉漢堡唔覺得驚喜，仲有啲乾，Burger King 果啲一定好過佢。