星林居雲南米線餐廳 (已結業)

食過幾次星林居，第一兩次覺得真係幾好食，不過佢地啲服務態度同環境都幾差。啲枱油淋淋，抹完好似無抹。啲碗個邊又係油淋淋，好似d湯倒到成個碗邊都係湯汁咁，好懷疑係咪根本無洗過啲碗？😥今次再食，服務同環境都係咁差。連食物質素都差埋。米線太淋，湯又好多味精。食左幾啖，有隻指甲咁大既曱甴！🤮🤮🤮叫呀姐黎睇，佢淨係 哦 左一聲，你眼望我眼，好似見慣不怪，唔想理咁。佢去請示完老闆娘就同我地講張單唔收錢，但完全無諗過要收返碗有曱甴既米線走，係咪諗住我會繼續食?!😓衛生真係超差，奉勸各位唔好再去。