影片
更多
2018-10-11
2911 瀏覽
用膳當日係平日下午茶時段，人流唔多，店內有好多吉位，但唔知點解唔放人入去，我估係因為準備三點落場，但因為咁樣而要令客人等超過二十分鐘實在講唔通，呢方面希望該餐廳會著手改善。餐廳空間唔多，放食物的地方好D奇怪，例如菜、丸等嘅類別全部都放係近門口位置，我自己走去夾的時候感覺真係唔多衛生，因為同外邊空間嘅接觸太接近喇，而且佢亦無蓋或任何物件遮掩住食物，感覺會有機會污染左食物而不知覺。由上可見，難怪早前該餐廳被發現雪糕含大腸菌群含量超出法例上限八成，用膳當日亦已一早停用。不過講番食物方面，菜嘅選擇係幾多嘅，娃娃菜、菜心、生菜等；肉方面有幾款丸，而我就揀左上等牛肉(HKD69)；值得一提係個日式壽喜燒湯底，真係唔係交HEA貨，濃淡適中，香氣飄逸，放埋粉絲入去食味道一流！另外，佢個咖哩汁加落白飯食到又係醒神，白飯D米粒粒分明，質素幾好，值得一試。價錢方面2:00PM - 4:00PM 入場只係HKD69(加一服務費)，對比番食物質素都可以接受。
由上可見，難怪早前該餐廳被發現雪糕含大腸菌群含量超出法例上限八成，用膳當日亦已一早停用。
不過講番食物方面，菜嘅選擇係幾多嘅，娃娃菜、菜心、生菜等；肉方面有幾款丸，而我就揀左上等牛肉(HKD69)；值得一提係個日式壽喜燒湯底，真係唔係交HEA貨，濃淡適中，香氣飄逸，放埋粉絲入去食味道一流！
另外，佢個咖哩汁加落白飯食到又係醒神，白飯D米粒粒分明，質素幾好，值得一試。
價錢方面2:00PM - 4:00PM 入場只係HKD69(加一服務費)，對比番食物質素都可以接受。
張貼
