添好運點心專門店 (裝修中)

平價高質點心，為咗酥皮叉燒包以來，我的至愛❤️👍🏻 酥皮叉燒包$23外脆內軟，同普通白皮叉燒包唔同。用咗酥皮真係好鬆脆，厚度剛好，唔會食到成口粉漿，叉燒調味好，非常惹味。 不過朋友話酥皮太甜，但我個人鍾意。👎🏻 金銀蛋瘦肉粥$23比較稀，瘦肉太鹹，金銀蛋真係得嗰幾粒。料唔多。麻麻。👍🏻鮮蝦腸$28粉皮好薄好滑，蝦好大，彈牙。good 👍🏻蝦餃$31皮薄，蝦肉多，夠彈牙。熱辣辣點心真係超好食，新鮮。👌🏻紅油炒手$26皮薄料多， 比平時嘅雲吞細粒， 食落冇乜口感 。有啲不足就係個汁唔夠辣。 芝麻都幾惹味，香。👎🏻 香煎蘿蔔糕$19 點解蘿蔔糕可以咁淋？係一架就散，夾到去個辣醬，已經再夾唔起，因為散得太厲害。而且裏面冇臘味 。料唔夠多，無口感。差👍🏻豉汁蒸鳳爪$21鳳爪呢啲都係靠個汁，個汁做得好好，食到有陳皮味。 鳳爪夠新鮮👍🏻豉汁蒸排骨$20平平無奇嘅蒸排骨竟然有驚喜。豬肉好爽，有豬肉味， 量不多但對得住呢個價錢，好食。兩個人食咗9 個點心，人均一百多啲。抵食呀，茶錢仲要收四蚊。