影片
更多
2022-09-30
947 瀏覽
1. 超幸運地排到Walk-in第一，可以喺晚餐時段第一輪就入到座。2. 本身衝著關東煮而來，果然都無令人失望，大根大大舊又好入味；第一輪點咗竹輪、蒟蒻、椰菜卷、年糕福袋、雞蛋，之後仲追加咗多一次大根同蒟蒻，再試埋厚燒玉子，全部都好好味。只係呢度嘅福袋係用上炸過嘅腐皮，加埋軟糯口感嘅年糕其實都幾夾，只係我比較鍾意好軟腍嗰種質地。食關東煮湯都係重點，用昆布柴魚煮成嘅湯底味道清甜，真係會忍唔住飲多幾啖。3. 不思議豆腐嘅口感真係有種不思議嘅感覺，一望以為係想象到個口感嘅普通炸豆腐，一咬，有種食緊豆腐布甸嘅感覺，加埋表面炸皮嘅掛汁，真心好食。4. 鹽燒鯖魚穩陣之作；飯團嘅飯與餡比例適中，唔會大大舊飯食到好滯；仲嗌咗兩款小食，木魚花秋葵同炒牛蒡細細碟做前菜開胃又份量啱啱好。5. 唔想做眼濶肚窄大嘥鬼，只係嗌咗兩款串物，叫免治雞棒必追加蛋黃，香濃嘅蛋黃除咗蘸雞肉，用嚟蘸大蔥都好好食。6. 餐廳都幾有日本家庭式經營嘅氣氛，仲有部電視直播緊日本嘅電視節目，有一下睇睇吓電視放空咗真係感覺自己去咗日本居酒屋食緊宵夜。7. 回頭指數：🌝 🌝 🌝 🌝
2. 本身衝著關東煮而來，果然都無令人失望，大根大大舊又好入味；第一輪點咗竹輪、蒟蒻、椰菜卷、年糕福袋、雞蛋，之後仲追加咗多一次大根同蒟蒻，再試埋厚燒玉子，全部都好好味。只係呢度嘅福袋係用上炸過嘅腐皮，加埋軟糯口感嘅年糕其實都幾夾，只係我比較鍾意好軟腍嗰種質地。食關東煮湯都係重點，用昆布柴魚煮成嘅湯底味道清甜，真係會忍唔住飲多幾啖。
3. 不思議豆腐嘅口感真係有種不思議嘅感覺，一望以為係想象到個口感嘅普通炸豆腐，一咬，有種食緊豆腐布甸嘅感覺，加埋表面炸皮嘅掛汁，真心好食。
4. 鹽燒鯖魚穩陣之作；飯團嘅飯與餡比例適中，唔會大大舊飯食到好滯；仲嗌咗兩款小食，木魚花秋葵同炒牛蒡細細碟做前菜開胃又份量啱啱好。
5. 唔想做眼濶肚窄大嘥鬼，只係嗌咗兩款串物，叫免治雞棒必追加蛋黃，香濃嘅蛋黃除咗蘸雞肉，用嚟蘸大蔥都好好食。
6. 餐廳都幾有日本家庭式經營嘅氣氛，仲有部電視直播緊日本嘅電視節目，有一下睇睇吓電視放空咗真係感覺自己去咗日本居酒屋食緊宵夜。
7. 回頭指數：🌝 🌝 🌝 🌝 🌝（仲有好多嘢食想試，未必次次咁好彩，下次無得咁即興，會預早Book位）
張貼
