蛇王娟

營業中

休息中

雖然香港嘅冬天都遲遲都仲未到，但係都可以照樣補下身食吓蛇羹🤭今次黎到呢間老字號位於觀塘，老闆娘亦都好好人，好有人情味嘅店🫶🏻佢哋必叫嘅三寶set，有蛇羹，蛇湯，同埋臘味糯米飯，佢仲要有分A餐係大份， B餐係細份，咁視乎大家想幾補而決定叫咩餐啦🤣蛇羹係超級足料，滿滿嘅肉同料，加埋佢嗰脆片一齊食，一流🤤臘味糯米飯，入邊有臘腸，臘肉同花生，每一啖飯都炒得好香，同滲入咗臘味嘅味道👍🏻👅蛇湯亦都好大碗，味道好濃，飲完個人即刻好暖笠笠🥰如果再凍啲飲一定更正！