表叔火鍋

營業中

休息中

見工成功就緊係襯天氣凍打下邊爐慶祝下喇，朋友話係大角咀有間火鍋店都幾出名，於是就緊係去下。孖寶老細係我地一坐低就同我地推薦，五百蚊都唔洗就有得食大份嘅手切肥牛再加埋新鮮象拔蚌刺身，我地見都真係幾抵食所以就叫左個黎試下。手切肥牛夠晒大大份，唔洗任何調味焯兩焯就可以入口，牛肉味夠晒香濃，而象拔蚌刺身夠亮身，入口感覺夠鮮味，口感亦都一流，絕對無腥臭味。即炸響鈴響鈴平時食都係軟淋淋,而呢度 就完全唔同喇，因為呢度係即炸架，加小小甜酸醬入口脆卜卜又唔會太咸花雕豬腦估唔到餐廳就連豬腦都有，豬腦係我最鐘意嘅食材黎，餐廳提供嘅豬腦係用花花雕酒浸過，入口會有小小嘅花雕味，豬腦大隻仲幾鮮甜白鱔片白鱔片咬落去仲係小小脆身架。夠口感之餘又鮮味牛心頂牛心頂多脆身，入口真係夠晒口感，但絕對唔會係雪藏貨，係因貨黎架食到咁多平時一般舖頭無嘅火鍋料，的確令人幾驚喜，食飽飽之後發現左仲有啲火鍋料幾特別，下次都要同朋友再黎先得。