影片
更多
2006-02-09
26 瀏覽
勁做自由行客既熊貓酒店, 近來佢個商場翻新過, 早前lobby既金田已一早開左業, 當晚路過, 門口派傳單話係任點任食, 見入面環境唔錯, 所以一試. 餐廳一邊間格係普通同壽司bar, 另一邊係鐵板燒房, 任食安排坐普通, 店幾新, 與間好多空間, 播放著八九十年代日語流行歌, 環境清幽豬服, 個人覺得任點任食中既'任點'好重要, 因只要全程坐底, 要邊樣劃邊樣, 遞紙仔比伙記就攪掂, 好鐘意.數埋任食食品中都有成三十種, 前菜, 魚生, 壽司, 拉麵, 炸物, 咖喱, 飯類, 甜品, 總之所有日本菜式全部有齊, 咁多野食, 梗係順序由生至熟, 由淡至濃咁食, 至能深刻地感受每樣食物, 當然在下就肯定主攻所好, 魚生, 實在無乜機會可以咁樣狂食, 魚生唔駛煮, 變成集中點全在於魚肉本身質素. 雖然任點, 但每次魚生上賣相色澤都唔錯, 就算order一種魚生, 佢都會有所裝飾, 好有心機, 正如相片中既熟食一樣, 而每塊切成約0.75cm厚度, 不薄不厚, size岩晒口型, 至能夠感受到魚生既彈性, 入口魚肉既溫度好適中, 要求就係比室溫稍涼, 以上對於個人非專業既要求, 佢實在做到,
餐廳一邊間格係普通同壽司bar, 另一邊係鐵板燒房, 任食安排坐普通, 店幾新, 與間好多空間, 播放著八九十年代日語流行歌, 環境清幽豬服, 個人覺得任點任食中既'任點'好重要, 因只要全程坐底, 要邊樣劃邊樣, 遞紙仔比伙記就攪掂, 好鐘意.
數埋任食食品中都有成三十種, 前菜, 魚生, 壽司, 拉麵, 炸物, 咖喱, 飯類, 甜品, 總之所有日本菜式全部有齊, 咁多野食, 梗係順序由生至熟, 由淡至濃咁食, 至能深刻地感受每樣食物, 當然在下就肯定主攻所好, 魚生, 實在無乜機會可以咁樣狂食, 魚生唔駛煮, 變成集中點全在於魚肉本身質素. 雖然任點, 但每次魚生上賣相色澤都唔錯, 就算order一種魚生, 佢都會有所裝飾, 好有心機, 正如相片中既熟食一樣, 而每塊切成約0.75cm厚度, 不薄不厚, size岩晒口型, 至能夠感受到魚生既彈性, 入口魚肉既溫度好適中, 要求就係比室溫稍涼, 以上對於個人非專業既要求, 佢實在做到, 水準好對辦, 鮮度如何? 每樣剌身你一食就知係每一種唔同既海鮮, 三文, 吞拿, 八爪魚等等, 並唔係第二度食到一舊舊沒有分別既'凍品', 係呢度一啖啖任食, 滿足感有餘, 喜出望外.
話時話, 尤其魚生, 一丁點差別處理所表現出唻既水準就會好大, 君不見所謂既名牌和食集團, 你見到既壽司bar入面萬馬奔騰, 流水所業超機械化, 由order至切片上既過程, 已經失去左一份'活'與'鮮'感覺, 沒有任何'人性'存在, 食既係百份百'死物', 至少, 呢度bar入面只得一個師傅, 環境清靜, bar入面唔會滾水碌腳, 感受到係'緩和''緩慢'. 話似抽象, 但個人感受至深. 另外服務都好好, 你既要求跟得好貼. 賣單時伙記問好唔好食, 在下毫不猶疑答佢好好食, 佢地表現好好.
下次或者想體驗下佢地既鐵板燒, 無論邊種, 希望佢繼續有promotion. 以吸引從來就係消費主力既香港人本地客.
張貼
