熊築地 (已結業)

本身同朋友都好肚餓，諗住去Sogo 後面買嘢食，點知行錯路，經過見到呢間同呢天神門面好吸引。我就即刻去左熊築地買咗個丼同海膽手卷。啲壽司飯唔熟，有生米，個親子丼啲三文魚無三文魚味、帶子有海水味但都係無帶子味，整體好難食。真心係人生食過最難食嘅壽司。本身好鐘意食海膽，叫左個海膽59蚊手卷，啲飯都係唔熟，海膽只有少少，完全唔似張圖蓋滿表面，可以清晰見到白飯。而海膽唔太新鮮，不過係香港係好難食到鮮甜味，呢個唔怪佢，但單係飯都唔熟，啖啖都咬到硬粒，真係一邊食一邊好想嘔。 別天神也不是善類，我朋友都覺得好難食。