嘉頓餐廳 (裝修中)

深水埗青山道嘅嘉頓公司很多人都知係寫字樓，但其實有一間清優環境嘅餐廳在閣樓 ，唔係好多人知道，早幾年前因公司大樓大裝修 (以前餐廳在地下)，所以停辦直至舊年重開。今天放假由早上辦點事至完成已到二時多了，還未食午飯，我便決定重新嘗試我以前喜愛的其中一間西餐廳。原來午餐祇供應到中午二點半，唯有食 Tea Time Tea Time 我選了魚柳麭加法式薯條連茶或咖啡 ($38) 及Blueberry Cheese Cake ($20)魚柳麭配薯條 - 魚柳熱辣辣，芝蔴麭鬆軟面香脆，加上生洋葱絲、微酸的靑瓜沙律醬及醃水瓜粒，一熱一凍，一軟一爽的口感，好好味，不過個麭就細左啲唔夠喉。而薯條炸得非常脆，衹是加少訐幼鹽已感到非常美味，跟本就唔使點茄汁。藍莓芝士餅 - 餅底係海棉蛋糕，很鬆軟唔乾，而芝士忌廉亦很香滑有芝士香味但唔太甜，很好味。唯獨可能凍櫃太凍，我食到芝士忌廉內有啲冰碎，有點美中不足。