Le Viet (已結業)

睇到開飯特輯介紹呢間越南餐廳，再睇埋食評幾乎零喊面連OK都唔多個，所以就book咗位今晚試吓，本身好期待嘅晚飯，食完簡直覺得出人意表☺️我哋兩個人一共叫咗一粉一飯一小食一菜連一杯嘢飲，首先介紹吓最令我印象深刻嘅大蝦菠蘿炒飯先喇☺️一上枱真係俾佢外表呃到呀☺️ 大大兜咁 啲蝦又好似好靚咁☺️ 不過大唔大蝦我就唔敢講喇 我淨係知每隻蝦都整成條蝦屎俾你歎啫☺️ 而且我未食過菠蘿炒飯係會加紅腸，到底係我孤陋寡聞抑或係創新呀？☺️跟住再介紹吓海鮮炒檬粉先☺️首先一嚟到嘅時候已經聞到好大”朕”胡椒粉味，結果食落去同我聞到嘅係一樣，似食緊胡椒粉炒檬粉多啲，至於海鮮喇喎，真係夠晒足料㗎，真係足料到一眼睇晒😂😂 不過我最想講嘅係呢碟粉入面嘅魷魚，一啖咬落口，嘩！幾腥㗎喎都😂😂 仲要有啲怪味水喺入面，但求今晚唔肚痛都偷笑喇😂 至於啲檬粉都唔使多講，成碟都炒到碎濕濕，真係每夾一”住”都係碎上☺️咁又唔係每樣都咁衰嘅，表現好啲嘅有蒜蓉炒椰菜苗同埋Le Viet精選拼盤呢兩樣算係正正常常，不過不失，如果想嚟呢間試吓但又唔想中伏嘅，不妨叫呢兩樣，至少擺得落口都無咁嬲先喇😂😂最後一定要介紹埋杯紅豆冰，無可能唔講😂 因爲我未試過飲紅