影片
更多
2023-06-24
146 瀏覽
開Open Rice 戶口後都好似第一次寫食評，食物質素好壞都唔會令懶人如我去執筆，反而係一肚氣嘅情況，就令我寫咗幾百字，不吐不快….附近返工，上個月二人同行幫襯過一次Lunch, $88 三品無印風，食物一般，以同區而言性價比低，其實再幫襯嘅動力都不大。今日四人同行，其中兩人未試過去呢間，友人話想再去呢間，以一般水準而言，我沒反對再幫襯。一進鋪其實人不多，有四人枱及六人枱均有空置，侍應就俾張六人枱我哋坐，但四位與兩位之間隔了膠板，同行人都有反映：「我哋四個人喎」（講左兩次）侍應都沒反應不睬不理，咁我哋就照坐。間舖頭六人長木枱嘅設定，再加非常阻埞嘅大木凳，其實坐邊位嗰兩位係需要擘大雙腳夾住條枱腳坐，我哋見隔離都暫時未有人坐，就將膠板輕微移向一邊，點知一個好冇禮貌嘅女侍應，即時過來將膠板移返原位，如果隔離有人坐，或者爆場，我明白，但而家係冇人。同行人話：「我啱啱移開你塊板你就移返埋你，你都幾冇禮貌喎」個女侍應行開不作理會，另外有個侍應就話：「陣間會有好多學生哩」但依家咩人都未有喎⋯⋯，之後仲有個男侍應指住張四人枱話：「咁你哋坐呢度啦（語帶晦氣，特別係「啦」字呢個尾音）就係因為呢個「啦」字
附近返工，上個月二人同行幫襯過一次Lunch, $88 三品無印風，食物一般，以同區而言性價比低，其實再幫襯嘅動力都不大。
今日四人同行，其中兩人未試過去呢間，友人話想再去呢間，以一般水準而言，我沒反對再幫襯。一進鋪其實人不多，有四人枱及六人枱均有空置，侍應就俾張六人枱我哋坐，但四位與兩位之間隔了膠板，同行人都有反映：「我哋四個人喎」（講左兩次）侍應都沒反應不睬不理，咁我哋就照坐。
間舖頭六人長木枱嘅設定，再加非常阻埞嘅大木凳，其實坐邊位嗰兩位係需要擘大雙腳夾住條枱腳坐，我哋見隔離都暫時未有人坐，就將膠板輕微移向一邊，點知一個好冇禮貌嘅女侍應，即時過來將膠板移返原位，如果隔離有人坐，或者爆場，我明白，但而家係冇人。同行人話：「我啱啱移開你塊板你就移返埋你，你都幾冇禮貌喎」個女侍應行開不作理會，另外有個侍應就話：「陣間會有好多學生哩」但依家咩人都未有喎⋯⋯，之後仲有個男侍應指住張四人枱話：「咁你哋坐呢度啦（語帶晦氣，特別係「啦」字呢個尾音）就係因為呢個「啦」字，未叫嘢食就起身走咗。永不再幫襯，拜拜👋🏻
其實點解我哋要連環受佢哋氣，同街選擇眾多，做食肆除咗食物質素外，侍客之道都好重要，我唔係話要酒店級招呼，不竟都只係人均$88，我只係要求一般正常人與人之間嘅基本禮貌都無囉，間嘢嘅老闆真係要留意下，畢竟生意難做，呢啲位置都係做街坊客為主。
張貼