影片
更多
2014-11-23
621 瀏覽
最近報紙推介此店嘅流心蛋糕，Forward比女友之後佢都一見鍾情，趁呢晚book咗晚飯不過有排都未夠鐘，但又開始肚餓嘅時間，特登嚟到呢到一嚐流心蛋糕。去到門口，已經有姐姐拉客宣傳。特意問流心蛋糕大小，姐姐指住櫥窗......都成六、七吋大，而且轉頭又去食正餐，有啲擔心會食完就飽，姐姐就話個蛋糕一個人都食得晒，而且堂食有折，就係咁樣講，我哋就入咗去。晚上七點幾，人流唔多，而且地方闊落，所以坐落都算舒服。店員同時推介芥末心太軟，睇餐牌相都幾吸引，但係要留肚所以拒絕。都等咗幾耐，終於見到真身，個樣幾似大陸一間叫「瑞可爺爺」嘅蛋糕，但人哋冇賣到$85一個咁貴。切開之後，蜜糖隨即流出，賣相已經教人唾涎三呎。食一啖落口，蜜糖味道香濃，然後就會食上癮，我一啖女友一啖，好快就清咗碟蛋糕。老實，佢賣$85嘅話，吸引力實會大減。既然開咗個頭，都唔爭在揀多樣唔會太飽嘅。餐牌上寫住「特色焗雪糕」，女友感到好奇，就問吓個店員定係老闆嘅哥仔。佢就介紹呢個甜品係法式焗製，外層係一層好薄嘅脆皮，中間一層蛋糕，再包住嚿雪糕一齊焗，多重口感。聽過後頗吸引，於是加單。又等咗一段時間......正如店員/老闆所講，鹹脆皮喺最
去到門口，已經有姐姐拉客宣傳。特意問流心蛋糕大小，姐姐指住櫥窗......都成六、七吋大，而且轉頭又去食正餐，有啲擔心會食完就飽，姐姐就話個蛋糕一個人都食得晒，而且堂食有折，就係咁樣講，我哋就入咗去。
晚上七點幾，人流唔多，而且地方闊落，所以坐落都算舒服。店員同時推介芥末心太軟，睇餐牌相都幾吸引，但係要留肚所以拒絕。
都等咗幾耐，終於見到真身，個樣幾似大陸一間叫「瑞可爺爺」嘅蛋糕，但人哋冇賣到$85一個咁貴。
切開之後，蜜糖隨即流出，賣相已經教人唾涎三呎。食一啖落口，蜜糖味道香濃，然後就會食上癮，我一啖女友一啖，好快就清咗碟蛋糕。老實，佢賣$85嘅話，吸引力實會大減。既然開咗個頭，都唔爭在揀多樣唔會太飽嘅。餐牌上寫住「特色焗雪糕」，女友感到好奇，就問吓個店員定係老闆嘅哥仔。佢就介紹呢個甜品係法式焗製，外層係一層好薄嘅脆皮，中間一層蛋糕，再包住嚿雪糕一齊焗，多重口感。
聽過後頗吸引，於是加單。
又等咗一段時間......
正如店員/老闆所講，鹹脆皮喺最外層，中間夾住蛋糕同雪糕一齊食，鹹甜外脆內軟再入面係凍雪糕縱橫交錯嘅多重口感，一小件確實唔係咁夠喉，但真係要留肚，不宜再食，只好留待下次再試。
題外話/補充資料：
正如其他食家所言，新張期八折優惠只係做到十一月尾；但收銀台頭放咗一疊無限期優惠券，歡迎索取。
(以上食評乃用戶個人意見 , 並不代表OpenRice之觀點。)
張貼
