壽司郎 (瓊華中心)

營業中

休息中

壽司郎係來自大阪嘅日本第一迴轉壽司品牌，喺香港已經開張左一段日子，分店亦都愈黎愈多，不過排隊堂食嘅人龍一樣係咁長，大家對佢嘅熱情無減退過！食過一次，應該都體會到點解佢可以一直咁受歡迎。佢地嘅衛生同服務態度做得唔錯，有提供濕紙巾消毒雙手、膠袋包口罩，又見到啲員工成日消毒雙手。而且壽司價錢平，最平12蚊就有2件壽司，質素都對得起個價錢，試問點會唔吸引呢🤩🤩今次叫左壽司加甜品，總共28碟，埋單440蚊。除左必食壽司之外，好多人都話壽司郎係被壽司耽誤嘅甜品店，所以我都另外仲叫左2個甜品，卡達拉娜、朱古力香莓芭菲。卡達拉娜食落口感似雪糕、芝士蛋糕及焦糖布丁嘅混合版，表面再灑上砂糖用火槍烤成香脆嘅焦糖，有唔同口感嘅層次，極推薦🤤👍👍👍朱古力香莓芭菲就嘛嘛地喇，偏甜而且都幾多忌廉（怕肥🙈）不過上面嗰粒朱古力布朗尼好濃朱古力味，好好味，搭埋啲雪糕一齊食就啱啱好。