影片
更多
2017-03-20
1855 瀏覽
同朋友傾計，問佢最近有咩西餐推介，朋友二話不說就講左星廚，佢話好抵食既西餐，尤其是係佢咸豬手。今日下午決定試試下佢既食物質素，正既話揾晚再黎食！由太子C出口，沿住荔枝角道行大約2分鐘，就會係一系列食肆中見到星廚呢個大招牌。入面裝修都幾簡單，格局似茶餐廳，兩旁是卡位，不過都有梳化凳坐，而且都無茶餐廳咁迫硤既！我下午茶時間黎，空位多任我揀雖然過左午餐時段黎，但依然係午餐既餐牌，睇黎無下午茶既餐牌。門口已經見到手寫既午餐餐牌，但每枱都有呢個同樣係手寫既餐牌，感覺親切～午餐價錢全部都唔過$50蚊，連埋餐湯餐飲同是日雪糕但食物選擇大部份都唔係cheap cheap野喎！最貴既大蝦黒松露意粉都係$48蚊！但我已經食左午餐，所以叫左個炸魚柳配沙律。是日餐湯今日係羅宋湯，岩我（尋晚鋸完扒仲有d漏～）入面有唔少雜菜粒，洋蔥蕃茄菜粒等，湯唔會太濃或太稀，還可以～雜菜沙律配炸魚柳 $45我身為一個黑洞，成日覺得吾夠食唔夠大份，但店員放低呢個炸魚沙律時，我真係大叫左一聲：「嘩！原來咁大份架！」好誇張！！放隻手係格離就睇到佢有幾長！！雖然我係第一次見到有J字型既炸魚柳，佢個樣都唔似平時fish n chips果
由太子C出口，沿住荔枝角道行大約2分鐘，就會係一系列食肆中見到星廚呢個大招牌。入面裝修都幾簡單，格局似茶餐廳，兩旁是卡位，不過都有梳化凳坐，而且都無茶餐廳咁迫硤既！我下午茶時間黎，空位多任我揀
雖然過左午餐時段黎，但依然係午餐既餐牌，睇黎無下午茶既餐牌。門口已經見到手寫既午餐餐牌，但每枱都有呢個同樣係手寫既餐牌，感覺親切～午餐價錢全部都唔過$50蚊，連埋餐湯餐飲同是日雪糕但食物選擇大部份都唔係cheap cheap野喎！最貴既大蝦黒松露意粉都係$48蚊！但我已經食左午餐，所以叫左個炸魚柳配沙律。
是日餐湯今日係羅宋湯，岩我（尋晚鋸完扒仲有d漏～）入面有唔少雜菜粒，洋蔥蕃茄菜粒等，湯唔會太濃或太稀，還可以～
雜菜沙律配炸魚柳 $45我身為一個黑洞，成日覺得吾夠食唔夠大份，但店員放低呢個炸魚沙律時，我真係大叫左一聲：「嘩！原來咁大份架！」好誇張！！放隻手係格離就睇到佢有幾長！！雖然我係第一次見到有J字型既炸魚柳，佢個樣都唔似平時fish n chips果啲咁靚仔，但佢真係件有內涵既炸魚
相機食左一陣，皮依然脆口，炸漿好薄身，但睇落厚，係因為佢炸得好鬆脆，有種千層酥既感覺，唔會好似食fish n chips果種好厚身成塊炸漿咁食！好少食到呢種炸魚！
至於魚肉，完全唔會有任何雪藏感之餘，仲要好滑嫩魚肉一切即開，層次分明，每層肉之間都有唔少油脂，更添滑溜感，講真最近食左唔少煎魚柳或者fish n chips，都無一個比呢個滑身，而魚肉本質微微鮮甜，更唔洗講會有咩枚既感覺所以無論魚肉質素同炸功一樣出色！！而炸魚另一重點既沙律醬亦為呢個炸魚不少，但我竟然無點哂，因為本身個魚柳已經好好食
伴碟既沙律菜有少量千島醬，混合埋沙律菜，中和左炸魚既膩感，沙律菜亦唔係生菜，係少見幼身既沙律菜，新鮮，但個人較喜好羅馬生菜，口感更爽脆。
呢個咁令人滿意既下午茶餐，只係四十五蚊，仲要無加一，多謝朋友既推介！
張貼
