影片
更多
2018-08-26
1061 瀏覽
又約咗一班靚媽黎個午餐聚會，上OpenRice見到呢度環境唔錯，尤其有張圓形嘅枱，諗住影大合照靚啲，於是一星期前就打電話訂坐指明要圓形枱，餐廳當時回覆都話ok冇問題既! 點知今日到達嘅時候餐廳職員竟然係話冇幫我落到Booking😨然後張圓形枱仲要俾人坐咗，最後求其安排左一張枱比我地.......最攪笑最後都無人承認當日同我傾好晒訂枱細節嘅同事係邊個🤡🤷🏻♀️唯有用美食沖淡一切壞情緒吧！餐廳假日都有Set Lunch供應，選擇種類多，而且以呢個價錢來講，有餐包、前菜、餐湯、主菜、甜品還有飲品❤️性價比真的非常高👍🏻餐包熱辣辣的，而且非常鬆軟好味！酥炸海蝦+煙燻三文魚柳番茄水牛芝士+哈密瓜配巴馬臣火腿作為前菜，非常清新開胃而且多樣化！抵讚👍🏻鮮蜆周打湯賣相精美，口感非常Creamy濃郁既周打湯，蜆肉大粒鮮甜， 可惜得一粒唔夠喉🤣 主角出場❤️碳燒安格斯西冷牛扒配黑松露燒汁（Medium Rare)燒得香脆多汁既牛扒，熟成到剛剛好！牛扒用咗比較豐富嘅調味，加上黑松露汁非常香濃，所以食落味道有層次，雖然有媽媽表示重口味咗啲，不過我同另外幾位媽媽覺得真係幾好味🤤（忙住食都唔記得影切開既相😆）是日甜品
又約咗一班靚媽黎個午餐聚會，上OpenRice見到呢度環境唔錯，尤其有張圓形嘅枱，諗住影大合照靚啲，於是一星期前就打電話訂坐指明要圓形枱，餐廳當時回覆都話ok冇問題既! 點知今日到達嘅時候餐廳職員竟然係話冇幫我落到Booking😨然後張圓形枱仲要俾人坐咗，最後求其安排左一張枱比我地.......最攪笑最後都無人承認當日同我傾好晒訂枱細節嘅同事係邊個🤡
🤷🏻♀️唯有用美食沖淡一切壞情緒吧！
餐廳假日都有Set Lunch供應，選擇種類多，而且以呢個價錢來講，有餐包、前菜、餐湯、主菜、甜品還有飲品❤️性價比真的非常高👍🏻
餐包熱辣辣的，而且非常鬆軟好味！
酥炸海蝦+煙燻三文魚柳
番茄水牛芝士+哈密瓜配巴馬臣火腿
作為前菜，非常清新開胃而且多樣化！抵讚👍🏻
鮮蜆周打湯賣相精美，口感非常Creamy濃郁既周打湯，蜆肉大粒鮮甜， 可惜得一粒唔夠喉🤣
主角出場❤️碳燒安格斯西冷牛扒配黑松露燒汁（Medium Rare)
燒得香脆多汁既牛扒，熟成到剛剛好！牛扒用咗比較豐富嘅調味，加上黑松露汁非常香濃，所以食落味道有層次，雖然有媽媽表示重口味咗啲，不過我同另外幾位媽媽覺得真係幾好味🤤（忙住食都唔記得影切開既相😆）
是日甜品係芝士奶茶蛋糕
食唔出有奶茶味， 反而覺得有啲黑松露味🤣
最後餐廳為咗彌補係booking上嘅失誤，送咗佢哋嘅「招牌香蕉太妃批」俾我哋！🍌算係咁啦！
賣相和擺盤都非常之精美💕味道有啲似焦糖燉蛋，但係有濃濃嘅香蕉味，餅底仲有啲似威化餅牛油底，小小咸，大家都覺得幾好食！
總結：其實餐廳環境同埋食物質素都唔錯，如果唔係發生訂枱事件...我諗我都會比滿分呢間餐廳🍴
張貼
