周記醬料

營業中

休息中

以為青山道老街坊菜館下間周記醬料係 pop up store！？賣醬，皮蛋，涼果，魚蛋同手打魚肉燒賣... 見有手打魚肉燒賣即買黎試下，（$10/5粒）再加咖哩魚蛋 （$10/10粒）一試之下即被魚肉燒賣俘虜左，個size大大粒同林記相近，有魚肉香有微胡椒粉，手打即係手打，肉質煙靭彈牙，發現仲有急凍裝（$30/15粒）；咖哩魚蛋都唔簡單，雖然用左陳皮魚蛋，但佢個咖哩汁先最搶鏡，自家咖哩膽，再加上甜醬，沙茶，柱侯就製成這款色香味嘅咖哩汁，真係配咩都好食。原來周記醬料係一個好有歷史嘅本土醬料店，專賣酒醋醬菜，涼果及皮蛋等... 總店係長沙灣元州街413號地舖，除左辣椒油，下次一定要試埋佢地嘅其它醬料同皮蛋。