宜記甜品

營業中

休息中

每次U team 練習後都一定會會幫襯宜記，價錢親民，份量夠，服務親切。唔肚餓嘅同學仔可以叫楊枝甘露、西瓜涼粉等嘅甜品，又或者飲紅豆奶茶、西瓜冰、凍檸茶；肚餓嘅可以揀湯麵、湯烏冬、咖喱飯、冷麵，炒飯炒公仔麵等。食咗咁多次，最正係炒飯同炒公仔麵。近排用碗上，好似份量大咗，又食得方便咗，仲非常足料！今日第一次叫粟米蜆肉炒飯，超多蜆，出去食碟炒蜆都無咁多，食極都食唔晒。隔離叫咗豬頸肉炒公仔麵，鑊氣夠，冇多餘嘅油，好香口，加埋 XO 醬炒真係好惹味。所以差唔多次次都係必叫。炒飯炒麵襯凍檸檬茶少甜少冰，好消滯解暑。